Gaur egun, azterketa ginekologikoa edo bular eta ginekologiako azterketa funtsezko zutabea da emakumearen osasunaren zaintzan eta hainbat gaixotasunen prebentzioan eta diagnostiko goiztiarrean.

Izan ere, osasun-azterketa bat da, eta adina (nerabezaroa, ugalketa-adina, menopausia) eta egoera jakin batzuk (hala nola hilekoaren alterazioak –mina, hileko irregularrak–, gernu-inkontinentzia eta minbiziaren familia-aurrekariak) kontuan hartuta egin behar da.

Bularreko patologiaren azterketaren barruan, bularren erabateko miaketa (bularreko minbiziaren diagnostiko goiztiarrerako neurriak adierazita) eta, hala badagokio, gaixotasunaren arrisku genetikoen azterketa egiten dugu.

Halaber, adinaren eta sexu-ohituren arabera, metodo antikontzeptiboei buruzko informazioa eta sexu-transmisioko gaixotasunei (umetoki-lepoko minbizia eragiten duen giza papilomaren birusaren transmisioa barne) aurrea hartzeko neurriak ematen dira.

Azkenik, gaur egun ugalkortasunari eusteko dauden aukerei buruzko informazioa jasotzen dute nahi duten emakumeek.